|
Ял хуҫалӑхӗ
 agro.cap.ru сӑнӳкерчӗкӗ Чӑваш Енре туса илекен выльӑх-чӗрлӗх продукцине ют ҫӗршыва ӑсатасшӑн. Республикӑн Ял хуҫалӑх министерствинче пӗлтернӗ тӑрӑх, кӑҫалхи пӗрремӗш кварталта пирӗн тӑрӑхри виҫӗ предприяти хӑйӗн продукцине ют ҫӗршывсене ӑсатма ветеринарипе санитари енчен тӗрӗслеме ыйтнӑ. Вӗсенчен пӗри сӗт-ҫу таварне туса илет, тепри выльӑх-чӗрлӗх апатне хушма апатпа пуянлатакан продукци туса кӑларать, виҫҫӗмӗшӗ — органика удобренийӗ. Россельознадзор тӗрӗсленӗ хыҫҫӑн ҫав продукцие Узбекистана, Таджикистана, Азербайджана, Абхазие, Тайван (Китай) тата Пӗрлешӳллӗ Араб Эмирачӗсене ӑсатма юрӑхлине палӑртнӑ. Хыпар ҫӑлкуҫӗ:
| ||
Ҫуракине тухнӑЯл хуҫалӑхӗ
 agro.cap.ru сӑнӳкерчӗкӗ Чӑваш Енри ял хуҫалӑх предприяийӗсем ҫуракине тухнӑ. Ҫак ӗҫе республикӑмӑрӑн кӑнтӑр енчи районӗсенче пурӑнакансем ыттисенчен маларах кӳлӗнеҫҫӗ. Паянхи кун илсен уй-хирте Улатӑр, Патӑрьел, Вӑрнар, Йӗпреҫ, Канаш, Куславкка тата Пӑрачкав муниципалитет тӑрӑхӗсенче ӗҫлеҫҫӗ. Вӑл тӑрӑхри аграрисем ҫуртри пӗрчӗллӗ тата пӑрҫа йышши культурӑсене 3007 гектар ҫинче акнӑ, рапса — 10 гектар. Ҫуракине ирттерме хуҫалӑхсен вӑрлӑх ҫителӗклӗ. Кондициллӗ вӑрлӑха кирлинчен 96 процент чухлӗ хатӗрленӗ. Хыпар ҫӑлкуҫӗ:
| ||
|
Ял хуҫалӑхӗ
 agro.cap.ru сӑнӳкерчӗкӗ Чӑваш Енӗн Ял хуҫалӑх министерствинче агромаркет тӑвас ыйтӑва сӳтсе явнӑ. Ун пекки Раҫҫейре хальлӗхе ҫук-ха. Видеоконференцҫыхӑну мелӗпе йӗркеленӗ канашлӑва республикӑн вице-премьерӗ — ял хуҫалӑх министрӗ Сергей Артамонов ертсе пынӑ. Хӑйсен сӗнӗвӗсемпе «Земский групп», «Архитектурное бюро А4», «Market concept», «Северконцепт» тулли мар яваплӑ обществӑсем тата ыттисем паллаштарнӑ. Агромаркета кӑҫал уҫасшӑн. Унта вырӑнти производительсем туса илекен ял хуҫалӑх продукцине сутма палӑртаҫҫӗ. Хыпар ҫӑлкуҫӗ:
| ||
|
Ял хуҫалӑхӗ
 agro.cap.ru сӑнӳкерчӗкӗ Пилӗк ҫул хупӑнса ларнӑ хыҫҫӑн Шупашкар районӗнчи «Чӑваш бройлерӗ» предприятин птичникӗсем чӗпсемпе ҫӗнӗрен тулнӑ. Ӗҫе фабрикӑн ҫӗнӗ хуҫи — «ВДС» тулли мар яваплӑ общество — йӗркеленӗ. Вӑл предприятин унчченхи ятне, «Чӑваш бройлерӗ» бренда, упраса хӑварнӑ. Предприятин ӗҫне ҫӗнӗрен пуҫарса ярас тата производство хӑватне ӳстерес ыйтӑва республикӑн ял хуҫалӑх министрӗ Сергей Артамонов Раҫҫей сенаторӗпе Николай Владимировпа тӗл пулсан сӳтсе явнӑ. Малтанхи 50,5 пин чӗпе птичниксене ака уйӑхӗн 5-мӗшӗнче янӑ. Ҫывӑх вӑхӑтра йыш тепӗр 123 пин пуҫ хушӑнмалла. Предприятире хальлӗхе 36 ҫын ӗҫлет. Вӗсем — фабрикӑра унччен тӑрӑшнисемех. Чӑх-чӗп йышне ӳстерсе пынӑ май ҫулталӑк вӗҫне штата 100 ҫынна ҫитересшӗн. Хыпар ҫӑлкуҫӗ:
| ||
|
Ял хуҫалӑхӗ
 cap.ru сайтри сӑн Чӑваш Енре ҫырла фестивалӗ иртесси пирки пӗлтернӗччӗ. Ун валли сасӑлав мелӗпе ят суйланӑ. Сасӑлав вӗҫленнӗ. Эппин, фестиваль мӗн ятлӑ пуласси те паллӑ. Вӑл ҫаплах ятлӑ пулӗ: «Чӑваш Енри ҫырла фестивалӗ». Аса илтерер: ӑна Петровкӑра, утӑ уйӑхӗн 12-мӗшӗнче, Шупашкар районӗнчи «Ивушка» питомник ҫумӗнче ирттерӗҫ. Ҫак фестивале ҫулсеренех ирттерме, кӑштахран федераци шайне тухма палӑртнӑ. Хыпар ҫӑлкуҫӗ:
| ||
|
Ял хуҫалӑхӗ
 ru.sputnik.kg сайтри сӑн Халӑхран пуҫтаракан сӗт хакӗ чакнӑ. Кун пирки ЧР Ял хуҫалӑх министерстви пӗлтерет. Хальхи вӑхӑтра пӗр литр сӗте 18 тенкӗ те 80 пуспа пуҫаракансем пуррине палӑртнӑ. Ку, пӗлтӗрхи ҫак вӑхӑтпа танлаштарсан, 21 процент пӗчӗкрех. Савутсем пӗр литр сӗте 26,06 тенкӗпе йышӑнма пуҫланӑ. Ял хуҫалӑх министрӗ Сергей Артамонов лару-тӑрӑва тӗпчеме хушнӑ. Сӑмах май, пӗлтӗр ҫынсем сӗт юр-варне сахалрах туяннине палӑртнӑ. Сӗт суса илесси вара пысӑкланнӑ: 2,2 тонна ытларах. Хыпар ҫӑлкуҫӗ:
| ||
|
Ял хуҫалӑхӗ
 cap.ru сайтри сӑн Утӑ уйӑхӗн 13-14-мӗшӗсенче Чӑваш Енре Уй кунӗ пулӗ. Вӑл Ҫӗрпӳ районӗнчи Михайловка ялӗ ҫывӑхӗнче иртӗ. Унта самолетсене анса лармалли лапам пур. Унпа халӗ усӑ курмаҫҫӗ. Шӑпах ҫавӑнта, асфальт ҫине, техникӑна лартма, общество апатланӑвӗн пункчӗсене йӗркелеме, парковка тума меллӗ. Ҫавӑнтах ял хуҫалӑх техникипе, производство опычӗпе паллаштарӗҫ. Пӗрремӗш кунхине техника куравӗ, ҫавра сӗтелсем, ӑсталӑх класӗсем пулӗҫ. Иккӗмӗш кунхине техника уйра ӗҫленине кӑтартӗҫ. Мероприятие специалистсем, студентсем, ял хуҫалӑх учрежденийӗсенче вӗренекенсем хутшӑнӗҫ. Уй кунне 23 регионти 20 ытла специалиста чӗннӗ. Хыпар ҫӑлкуҫӗ:
| ||
|
Ял хуҫалӑхӗ
 Чӑваш Енре кӑҫал ҫырла фестивальне пӗрремӗш хут йӗркелесси пирки пӗлтернӗччӗ. Аса илтерер: ӑна утӑ уйӑхӗн 12-мӗшӗнче йӗркелеме палӑртнӑ. Хальлӗхе фестиваль ятне суйламан. ЧР Ял хуҫалӑх министерстви 10 ят шутласа тупнӑ. Вӗсенчен пӗрне суйламалла. Сасӑлав «Уҫӑ хула», «Халӑх тӗрӗслевӗ», «Госуслуги» порталсенче пушӑн 31-мӗшӗччен иртет. Министерство ҫак ятсене сӗнет: Фестиваль «Ягода», Ягодная Чувашия, Ягодный фестиваль Чувашии, Ягодный день, Ягодный бум, Ярмарка ягод, ЯгодаFest, Ягодный микс, Фестиваль ягод «Поляна», Сказочные ягоды Чувашии. Хыпар ҫӑлкуҫӗ:
| ||
|
Ял хуҫалӑхӗ
 unsplash сайтри сӑн Кӑҫал Чӑваш Енре ҫырла фестивальне йӗркелесшӗн. Ку таранччен ун пекки пулман. Малтанлӑха палӑртнӑ тӑрӑх, вӑл Шупашкар районӗнчи «Ивушка» питомник ҫумӗнче утӑ уйӑхӗн 12-мӗшӗнче иртӗ. Кунашкал куравсем Британире, АПШра, Финляндире, Канадӑра, Японире ирттереҫҫӗ. «Халӗ ун пеккине Чӑваш Енре йӗркелемелле, пӗтӗм Раҫҫей пирӗн пата килтӗр», - тенӗ ЧР ял хуҫалӑх министрӗ Сергей Артамнов. Унта ҫырла ӑстисем хӑйсен продукцине сутма, кӑтартма пултараҫҫӗ. Фестиваль ҫав вӑхӑтрах агротуризмпа паллаштарӗ. Хальлӗхе ҫырла фестивалӗн ячӗ ҫук, ӑна ҫывӑх вӑхӑтра суйлӗҫ. Хыпар ҫӑлкуҫӗ:
| ||
|
Ял хуҫалӑхӗ
 cap.ru сӑнӳкерчӗкӗ Шупашкарта "Ҫӗрулми" курав ӗҫлени пирки эпир сайтра пӗлтернӗччӗ. Унта ЧР Элтеперӗ Олег Николаев пулса курнӑ. Аса илтерер: курав "Каскад" суту-илӳ центрӗнче ӗҫлет. Унта тӗрлӗ сортлӑ ҫӗрулми туянма пулать. Олег Николаев куравра каланӑ тӑрӑх, пирӗн республикӑра чипс кӑларма тытӑнасшӑн. Ку проектпа Патӑрьел районӗнчи "Лук-Агро" предприяти ӗҫлет. Унта ҫӗрулмине чипс валли хатӗрлекен цех хута каймалла. Хыпар ҫӑлкуҫӗ:
| ||
+29.3 °C